beitrag von: ana
Lossts mi aunglant
Heast Freind lossts mi aunglant
I hurch nimma zua
I moch dicht
I hea auf
I hob echt gnua
Heast Freind lossts mi aunglant
I kauns nimma hean
des gaunze Graunzad
und des ewige Rean
Heast Freind lossts mi aunglant
Mi lockts nimma viara
Wos soi I denn duan
gengan Kriag bei de Syra
De Chinesen de Türkn den Trump und die Poin
I was ned wos de ollewei von mia woin
die gaunza Wöd a anzigs Desaster
egal wo I hinschau überoi nua mea Gfrasta
I mochad ois aundas
Wauns mi nua lossn
I ramad glei zaum
bei mir in der Gossn
Und weida daun mochat i durtn in Brüssel
de haum ollesaumt an Sprung in da Schüssel
Und daun zagat is de Ameriganer
de Rotn de Schwoazn und de Koreaner
Daun knöpf i ma vua de Kapitalisten
und gaunz zum Schluss de Terroristen
Owa kana frogt mi
I hob ka schlechts Gwissn
wei I hob scho gnuag gmocht
I hobs net vaschissn
Doch jetzt hobts mi gern
Und lossts mi in Rua
Prost Freind !
Jetzt sauf I mi zua.
review von: christiane rösinger
